В нашем храме 1 января 2017 г. после Литургии будет отслужен молебен на благословение грядущего гражданского нового года.

Молебен на новолетие служится для того, чтобы молитвой встретить наступающий год и поручить свою жизнь и жизнь своих близких Господу, а Господь Своим чадам даровал мирный и благой год.

Молебен на благословение новолетияТрадиционное молебное пение на гражданское новолетие  совершается ежегодно. Чин молебного пения, совершаемый в храмах в этот день, заимствован из чина молебна, положенного на начало индикта — церковного нового года (новолетия), который Русская Православная церковь отмечает 14 сентября (1 сентября по старому стилю). В основе новогоднего молебна – молитвенное призывание помощи Божией и благословения на весь грядущий год и благодарение Господа за все Его милости и щедроты, дарованные нам в прошедшем году.

30 ноября 1917 года на Поместном Соборе Русской Православной Церкви, на заседании Отдела О богослужении, проповедничестве и храме, были приняты следующие положения (см. «Богословские труды», сб. 34, с. 334—335):

«Привнесение службы “начала инди́кта, си́речь новаго лета” в богослужение 1 января весьма желательно… Означенная служба в значительной своей части может быть объединена с последованием новогоднего молебного пения. В таком случае существующее в русской богослужебной практике молебное пение на Новый год должно быть переработано в чин уставного молебна с каноном…».

Текст Новогоднего молебена

Начальный возглас Благословен Бог наш.., после обычных предначинательных молитв — Прииди́те, поклони́мся, и читается
псалом 64-й:

Боже, Спасителю наш, Упование всех концев земли, и сущих в мори далече, уготовляяй горы крепостию Своею, препоясан силою, смущаяй глубину морскую, шуму волн его кто постоит? Смятутся языцы, и убоятся живущии в концах от знамений Твоих, исходы утра и вечера украсиши. Посетил еси землю и упоил еси ю, умножил еси обогатити ю. Река Божия наполнися вод. Уготовал еси пищу им, яко тако [есть] уготование. Бразды ея упой, умножи жита ея, в каплях ея возвеселится возсияющи. Благословиши венец лета благости Твоея, и поля Твоя исполнятся тука, разботеют красная пустыни, и радостию холми препояшутся. Одеяшася овни овчии, и удолия умножат пшеницу, воззовут, ибо воспоют.

Диакон произносит великую ектению:

Диакон: Миром Господу помолимся!
Хор (на каждое прошение): Господи, помилуй!

О свышнем мире, и спасении душ наших, Господу помолимся!

О мире всего мира, о благостоянии святых Божиих церквей и соединении всех, Господу помолимся!

О святем храме сем (если молебен совершается на дому — о храмине сей), и с верою, благоговением и страхом Божиим входящих в него (в нею), Господу помолимся!

О великим господине и отце нашем святейшем патриархе …, и о господине нашем преосвященнейшем митрополите …, честнем пресвитерстве, во Христе диаконстве, о всем притче и людех, Господу помолимся!

О стране нашей …, о всех благочестивых людях ея, Господу помолимся!

О граде сем (о веси сей), всяком граде, стране, и верою живущих в них, Господу помолимся!

О плавающих, путешествующих, недугующих, страждующих, плененных, заключенных и гонимых, и о спасении их, Господу помолимся!

О избавитися нам от всякия скорби, гнева и нужды, Господу помолимся!

О еже милостивно нынешнее благодарение, и мольбу нас, недостойных рабов Своих, в пренебесный Свой жертвенник прияти, и благоутробно помиловати нас, Господу помолимся. О еже благоприятным быти молениям нашим, и простити нам и всем людем Своим вся согрешения, вольная и невольная, в мимошедшем лете зле нами содеянная, Господу помолимся!

О еже благословити начаток и провождение лета сего, благодатию человеколюбия Своего; времена же мирна, благорастворенны воздухи, и безгрешен нам в здравии с довольством живот даровати, Господу помолимся!

О еже отвратити от нас весь гнев Свой, праведно на ны грех ради наших движимый, Господу помолимся!

О еже отгнати от нас вся душетленная страсти и растленный обычаи; страх же Свой Божественный всадити в сердца наша, ко исполнению заповедей Его, Господу помолимся.

О еже обновити дух правый во утробах наших, и укрепите нас в православной вере, и спешных к деланию добрых дел, и исполнению всех заповедей Его сотворити, Господу помолимся.

О еже избавити Церковь Святую Свою и всех нас от всякия скорби, беды, гнева и нужды, и от всех врагов, видимых и невидимых, здравием же, долгоденствием, и миром, и ангел Своих ополчением верных Своих всегда оградити, Господу помолимся.

Заступи, спаси, помилуй и сохрани нас, Боже, Твоею благодатию!

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше; сами себе, и друг друга, и всю жизнь нашу Христу Богу предадим!

Хор: Тебе, Господи!

Яко подобает Тебе всякая слава, честь и поклонение: Отцу и Сыну, и Святому Духу, ныне и присно и во веки веков.

Хор: Аминь.

Поется Бог Господь со стихами

Бог Господь:

Диакон: Бог Господь, и явися нам, благословен Грядый во Имя Господне. Исповедайтися Господеви, яко Благ, яко в век милость Его.

Хор: гл. 2. Бог Господь, и явися нам,/ благословен Грядый во Имя Господне.
Диакон: Обышедше обыдоша мя, и Именем Господним противляхся им.
Не умру, но жив буду, и повем дела Господня.
Камень, Егоже небрегоша зиждущии, Сей бысть во главу угла, от Господа бысть Сей, и есть дивен во очесех наших.
Хор: Бог Господь, и явися нам,/ благословен Грядый во Имя Господне.

Тропарь Новолетия, гл 2:
Всея твари Содетелю, / времена и лета во Своей власти положивый, / благослови венец лета благости Твоея, Господи, / сохраняя в мире люди и град Твой молитвами Богородицы // и спаси ны

Тропарь Благодарственный, гл 4:
Благодарни суще недостойнии раби Твои, Господи, / о Твоих великих благодеяниих на нас бывших, / славяще Тя хвалим, благословим, благодарим, поем, и величаем Твое благоутробие / и рабски любовию вопием Ти: // Благодетелю Спасе наш, слава Тебе.

Слава, и ныне, Богородичен, гл 4:
Еже от века утаенное, / и Ангелом несведомое таинство: / Тобою, Богородице, сущим на земли явися Бог, / в неслитном соединении Воплощаемь, / и Крест волею нас ради восприим, / имже воскресив первозданнаго, // спасе от смерти души наша.
Прокимен и чтение Евангелия

Диакон: Вонмем.
Иерей: Мир всем.
Хор: И духови твоему.

Диакон: Премудрость. Прокимен, глас четвертый: Велий Господь наш, и велия крепость Его, и разума Его несть числа́.
Стих: Хвали́те Господа, яко благ псалом.

По окончании прокимна диакон велигласно:
Господу помолимся.
Хор: Господи помилуй.

Иерей: Яко Свят еси, Боже наш, и во святых почиваеши, и Тебе славу возсылаем, Отцу, и Сыну, и Святому Духу, всегда, ныне и присно и во веки веков.
Хор: Аминь.

Диакон: Всякое дыхание да хвалит Господа.
Хор: Всякое дыхание да хвалит Господа.
Диакон: Хвалите во святых Его, хвалите Его во утверждении силы Его.
Хор: Всякое дыхание да хвалит Господа.
Диакон: Всякое дыхание…
Хор: … да хвалит Господа.
Диакон: И о сподобитися нам слышанию святаго Евангелия Господа Бога молим.
Хор: Господи, помилуй (трижды).

Диакон: Премудрость, прости, услышим святаго Евангелия.
Иерей благословляя народ: Мир всем.
Хор: И духови твоему.
Диакон: От Луки святаго Евангелия чтение.
Хор: Слава Тебе, Господи, слава Тебе.
Читается Евангелие — Лк., зач. 13:

Во время оно прiи́де Иисус въ назарéтъ, идѣ́же бѣ́ воспитáнъ: и вни́де, по обы́чаю своемý, въ дéнь суббóтный въ сóнмище, и востá чести́. И дáша Емý кни́гу Исáiи прорóка: и разгнýвъ кни́гу, обрѣ́те мѣ́сто, идѣ́же бѣ́ напи́сано: «дýхъ Госпóдень на Мнѣ́: егóже рáди помáза Мя́ благовѣсти́ти ни́щымъ, послá Мя исцѣли́ти сокрушéнныя сéрдцемъ, проповѣ́дати плѣнéннымъ отпущéнiе и слѣпы́мъ прозрѣ́нiе, отпусти́ти сокрушéнныя во отрáду, проповѣ́дати лѣ́то Госпóдне прiя́тно». И согнýвъ кни́гу, отдáвъ слузѣ́, сѣ́де: и всѣ́мъ въ сóнмищи óчи бѣ́ху зря́ще Нáнь. И начáтъ глагóлати къ ни́мъ, я́ко «днéсь сбы́стся писáнiе сié во ýшiю вáшею». И вси́ свидѣ́телствоваху Емý, и дивля́хуся о словесѣ́хъ благодáти, исходя́щихъ изъ ýстъ Егó.

Перевод: Во время оно пришел Иисус в Назарет, где был воспитан, и вошел, по обыкновению Своему, в день субботний в синагогу, и встал читать. Ему подали книгу пророка Исаии; и Он, раскрыв книгу, нашел место, где было написано: «Дух Господень на Мне; ибо Он помазал Меня благовествовать нищим, и послал Меня исцелять сокрушенных сердцем, проповедывать пленным освобождение, слепым прозрение, отпустить измученных на свободу, проповедывать лето Господне благоприятное». И, закрыв книгу и отдав служителю, сел; и глаза всех в синагоге были устремлены на Него. И Он начал говорить им: «ныне исполнилось писание сие, слышанное вами» все засвидетельствовали Ему это, и дивились словам благодати, исходившим из уст Его.

По окончании чтения:
Хор: Слава Тебе, Господи, слава Тебе.

Читается 50-й псалом.

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззакония моя аз знаю и грех мой предо мною есть выну. Тебе Единому согреших, и лукавая пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твой. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

Читается канон «новому лету» (из службы 1 сентября), с припевами: Слава Тебе, Боже наш, слава Тебе или с припевами: Милостиве Господи, услыши молитву раб Своих, молящихся Тебе. Катавасия: Христос рождается…

Канон, глас 1-й
Песнь 1
Ирмос: Поим вси людие, от горькия работы фараони Израиля Изведшему и во глубине морстей ногами немокрыми Наставльшему, песнь победную, яко прославися.

Припев: Слава Тебе, Боже наш, слава Тебе.

Воспоим вси Христу, Имже составишася всяческая, и в Немже совершишася неразлучна, яко из Безначальнаго рождшуся Бога Отца Ипостасному Слову, песнь победную, яко прославися.

Припев: Слава Тебе, Боже наш, слава Тебе.

Воспоим вси Христу, Отчим благоволением явльшуся из Девы, и проповедавшу лето Господне приятно, нам на избавление, песнь noбедную, яко прославися.

Слава: В Назарет пришед Податель закона, в день субботный учаше, законополагая евреем пришествия Своего неизреченнаго: имже яко Милостив спасает род наш.

И ныне: Поюще вси вернии Предивную Отроковицу, Христа вселенней возсиявшую, и радости всяческая исполнившую, Присносущныя Жизни, присно восхваляем, яко прославися.

Песнь 3
Ирмос: Утверди мене, Христе, на недвижимом камени заповедей Твоих, и просвети мя светом лица Твоего. Несть бо свят паче Тебе Человеколюбче.

Слава Тебе, Боже наш, слава Тебе.

тверди, Блаже, егоже насади любовию на земли десница Твоя, плодовит виноград, сохраняя Твою Церковь, Всесильне.

Слава Тебе, Боже наш, слава Тебе.

В делех духовных Богокрасных красящияся, наставшее, Господи, лето сие, преведи, Владыко, иже верою Тя песнословящия, Боже всяческих.

Слава: Тихий ми, Христе, летный круг давай, Щедре, и насыти мя словес Божественных Твоих, яже явился еси глаголя иудеем в субботах.

И ныне: Яко Едину преестественно паче человека благодать во Твою утробу приемшую, и невращно рождшую Христа Бога нашего, присно Тя славим.

Господи, помилуй. (Трижды.) Слава, и ныне:
Седален, глас 8-й

Иже времена плодоносна, и дожди с небесе подая сущим на земли, и ныне приемля мольбы рабов Твоих, от всякия избави нужды град Твой: щедроты бо Твоя истинно на всех делех Твоих. Темже входы благослови и исходы, дела исправи в нас рук наших, и согрешений прощение даруй нам, Боже: Ты бо из не сущих всяческая во еже быти, яко силен, привел еси.

Песнь 4
Ирмос: Разумех, Всесильне, Твое смотрение, и со страхом прославих Тя, Спасе.
Слава Тебе, Боже наш, слава Тебе.

Начало Тебе лета людие Твои приносят, ангельскими песньми славословяще Тя, Спасе.
Слава Тебе, Боже наш, слава Тебе.

Яко Человеколюбец сподоби наченшим лето и скончати Тебе благоугодно, Христе.

Слава: Вседержителю Едине Господи, лет обхождения утишив, миру даруй.

И ныне: Яко пристанище ныне душ наших и тверду надежду, Богородицу вси воспоим.

Песнь 5
Ирмос: От нощи утренююще, поем Тя, Христе, Отцу Собезначальна и Спаса душ наших, мир мирови подаждь, Человеколюбче.

Слава Тебе, Боже наш, слава Тебе.

Исполняяй всяческая благости, Христе, Ты благорастворением и благоплодием, благословенми венчаемо, многокружное лето рабом Твоим даруй.

Слава Тебе, Боже наш, слава Тебе.

Летное воздаяние покажи нам преложение к лучшим: мирное же устроение ведущим Тя, Слове Божий, уподобльшася человеком.

Слава: На землю пришел еси, Собезначальне Отцу, пленником отпущение, слепым же прозрение от Отца возвещая, и время приятно.

И ныне: Наши надежды, Богородице Чистая, и наше желание на Тя возлагаем, Милостива нам даждь, Дево, Егоже родила еси.

Песнь 6
Ирмос: Пророка спасл еси от кита, Человеколюбче, и мене из глубины прегрешений возведи, молюся.

Слава Тебе, Боже наш, слава Тебе.

Житие начати, благоугодно Тебе, Владыко, с летным начинанием, нас сподоби. (Дважды)

Слава: Дней духовных, в поучении закона Твоего, покажи исполнены, Щедре Спасе, поющия Тя.

И ныне: Рождшая Господа, Богородице Всенепорочная, избави от бед верою поющия Тя, Пречистая.

Господи, помилуй. (Трижды.) Слава, и ныне:
Кондак, глас 2-й

В Вышних живый, Христе Царю, всех видимых и невидимых Творче и Зиждителю, Иже дни и нощи, времена и лета сотворивый, благослови ныне венец лета, соблюди и сохрани в мире православнаго Императора и град и люди Твоя, Многомилостиве.

Песнь 7
Ирмос: Отроцы благочестию совоспитани, злочестиваго веления небрегше, огненнаго прещения не убояшася, но посреде пламене стояще пояху: отцев Боже благословен еси.

Слава Тебе, Боже наш, слава Тебе.

Начинающии лето и песней начаток сотворяем царствующему Христу, Царством безконечным, православнии людие, благочестно поюще: отцев Боже благословен еси. (Дважды)

Слава: Сый прежде век, на век же, и еще Господь, воспевающим Тя, Христе, источник благости, благих Твоих даров лето сие исполни: отцев Боже благословен еси.

И ныне: Яко раби Владыце на молитву, Чистую Матерь Твою Тебе предлагаем, Христе, от всякаго обстояния люди Твоя, Блаже, избавити поющия: отцев Боже благословен еси.

Песнь 8
Ирмос: Песнословцы в пещи спасшаго дети, и громопламенную преложшаго на росу, Христа Бога пойте, и превозносите во вся веки.

Слава Тебе, Боже наш, слава Тебе.

Яко Начальнику спасения, Христе, начаток Тебе приносит летный, честная Церковь зовущи: пойте и превозносите Христа во веки.

Слава Тебе, Боже наш, слава Тебе.

Из не сущих всяческая мудре обновившаго Создателя, и Производящего времен обращения хотением, пойте и превозносите Его во веки.

Слава: Изводящему всяческая Богу, и времена Изменяющему, на многообразное человеков управление, поем: хвалите и превозносите Христа во веки.

И ныне: Богоматерь Деву Чистую, лет обхожденми же и обращенми, православно человечестии собори, поем Тя яко Богородицу, и всех спасение.

Песнь 9
Ирмос: Образ чистаго Рождества Твоего, огнепалимая купина показа неопальная, и ныне на нас напастей свирепеющую угасити молимся пещь: да Тя, Богородице, непрестанно величаем.

Слава Тебе, Боже наш, слава Тебе.

Слово Божие, и Сила, истинная Мудрость и Ипостасная, содержащая и правящая всяческая мудре, и ныне наставшее рабом Твоим время, во устроении тисе произведи.
Слава Тебе, Боже наш, слава Тебе.

Вся дела Твоя, Господи: небеса, земля, свет и море; воды, и вси источницы; солнце же, луна и тьма; звезды, огнь, человецы и скоти со Ангелы восхваляют Тя.

Слава: Един еси Превечный, яко Творец веков: и царствующее Триипостасное Едино Божество нераздельное, мольбами Чистыя Богоматере, лето плодоносно наследию Твоему покажи.

И ныне: Спасе всего, и Строителю и Зиждителю и Вседержителю твари, мольбами безсеменно Рождшия Тя, мир миру Твоему подаждь, соблюдая Церковь всегда немятежну.

По 9-й песни канона поем Достойно есть.
Читается Трисвятое по Отче наш. Поется:

Тропарь индикта
глас 2
Всея твари Содетелю, / времена и лета во Своей власти положивый, / благослови венец лета благости Твоея, Господи, / сохраняя в мире люди и град Твой молитвами Богородицы // и спаси ны

Слава; и ныне
Кондак
глас 2
В вышних живый, Христе Царю, / всех видимых и невидимых Творче и Зиждителю,/ Иже дни и нощи, времена и лета сотворивый, / благослови ныне венец лета, / соблюди и сохрани в мире град и люди Твоя, // Многомилостиве.

Возглашается ектения сугубая с прошениями из существующего новогоднего молебна:

Сугубая ектения.

Диакон: Рцем вси от всея души, и от всего помышления нашего рцем!
Хор (на каждое прошение): Господи, помилуй!

Господи Вседержителю, Боже отец наших, молим Ти ся, услыши и помилуй!

Помилуй нас, Боже, по велицей милости Твоей, молим Ти ся, услыши и помилуй!
Хор (на каждое прошение): Господи, помилуй (трижды)

Еще молимся о Великом Господине нашем Святейшем …, и о Господине нашем Преосвященнейшем епископе …, и о всей во Христе братии нашей!

Еще молимся о стране нашей …, о благочестивых людях ея, да тихое и безмолвное житие поживем во всяком благочестии и чистоте!

Еще молимся о плодоносящих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Благодаряще со страхом и трепетом, яко раби непотребнии Твоему благоутробию, Спасе и Владыко наш Господи, о Твоих благодеяниих, яже излиял еси обильно на рабех Твоих, и припадаем и славословие Тебе яко Богу приносим, и умиленно вопием: избавн от всех бед рабы Твоя, и всегда, яко милостив, исполни во благих желание всех нас, прилежно молимся Ти, услыши и помилуй!

О еже благословити венец наступаемаго лета благостию Своею, и утолити в нас вся вражды, нестроения и междоусобныя брани; подати же мир, твердую и нелицемерную любовь, благочинное же строение и добродетельное житие, молим Ти ся, Всеблагий Господи, услыши и помилуй.

О еже не помянути безчисленная беззакония и лукавая наша деяния, в мимошедшем лете бывшая, и не воздати нам по делом нашым; но в милости и щедротах помянути нас, молим Ти ся, Милосердый Господи, услыши и помилуй!

О еже подати дожди благовременны, ранны же и поздны, росу плодоносну, ветры мерны и благорастворенны, и теплоту солнечную возсияти, молим Ти ся, Всещедрый Господи, услыии и помилуй!

О еже помянуты Церковь Святую Свою, и укрепити, утвердити же, разрешити, и умирити ю, и невредиму адовыми враты, и всеми наветы видимых и невидимых врагов непребориму во веки соблюсти, молим Ти ся, Вседержавный Владыко, услыши и помилуй!

О еже избавитися нам в сие грядущее лето, и во вся дни живота нашего от глада, губительства, труса, потопа, града, огня, меча, нашествия иноплеменных, и междоусобныя рати, и всякия смертоносныя раны, скорби же и нужды, молим Ти ся, Милосерде Господи, услыши и помилуй!

Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Иерей: Господу помолимся!
Хор: Господи, помилуй

Священник читает молитву:

Владыко Господи Боже наш, Источниче жизни и безсмертия, всея твари видимыя и невидимыя Содетелю, времена и лета во Своей власти положивый, и управляяй всяческая премудрым и всеблагим Твоим Промыслом. Благодарим о щедротах Твоих, яже удивил еси нас в мимошедшее время живота нашего, молим Тя, всещедрый Господи! Благослови венец наступающего лета Твоею благостию. Подаждь свыше благая Твоя всем людем Твоим, здравие же, спасение и во всем благое поспешение. Церковь Твою Святую, град сей и вся грады и страны от всякаго злаго обстояния избави, мир и безмятежие тем даруй. Тебе, Безначальному Отцу, со Единородным Твоим Сыном, Всесвятым и Животворящим Твоим Духом, во Едином Существе славимому Богу, всегда благодарение приносити, и Пресвятое Имя Твое воспевати да сподобиши.

Отпуст: «Иже времена и ле́та в Своей власти положи́вый, Христос, Истинный Бог наш…» и поется многолетие.

На целование св Креста поется гимн свт. Амросия Медиоланского «Тебе, Бога, хвалим», гл 3

Тебе Бога хвалим, Тебе Господа исповедуем, Тебе Превечнаго Отца вся земля величает; Тебе вси aнгели, Тебе небеса и вся Силы, Тебе Херувими и Серафими непрестанными гласы взывают: Свят, Свят, Свят, Господь Бог Саваоф, полны суть небеса и земля величества славы Твоея, Тебе преславный Апостольский лик, Тебе пророческое хвалебное число, Тебе хвалит пресветлое мученическое воинство, Тебе по всей вселенней исповедует Святая Церковь, Отца непостижимаго величества, покланяемаго Твоего истиннаго и Единороднаго Сына и Святаго Утешителя Духа. Ты, Царю славы, Христе, Ты Отца Присносущный Сын еси: Ты, ко избавлению приемля человека, не возгнушался еси Девическаго чрева; Ты, одолев смерти жало, отверзл еси верующим Царство Небесное. Ты одесную Бога седиши во славе Отчей, Судия приити веришися. Тебе убо просим: помози рабом Твоим, ихже Честною Кровию искупил еси. Сподоби со святыми Твоими в вечной славе Твоей царствовати. Спаси люди Твоя, Господи, и благослови достояние Твое, исправи я и вознеси их во веки; во вся дни благословим Тебе и восхвалим имя Твое во век и во век века. Сподоби, Господи, в день сей без греха сохранитися нам. Помилуй нас, Господи, помилуй нас: буди милость Твоя, Господи, на нас, якоже уповахом на Тя. На Тя, Господи, уповахом, да не постыдимся во веки. Аминь.

Отправить ответ

Оставьте первый комментарий!

Войти с помощью: 
avatar
500
wpDiscuz