Мф., 79 зач., XIX, 16–26.

16 И се, един (некий) приступль рече ему: учителю благий, что благо сотворю, да имам живот вечный?
17 он же рече ему: что мя глаголеши блага? никтоже благ, токмо един бог: аще ли хощеши внити в живот, соблюди заповеди.
18 Глагола ему: кия? иисус же рече: еже, не убиеши: не прелюбы сотвориши: не украдеши: не лжесвидетелствуеши:
19 чти отца и матерь: и: возлюбиши искренняго твоего яко сам себе.
20 Глагола ему юноша: вся сия сохранихъ от юности моея: что есмь еще не докончалъ?
21 Рече ему иисус: аще хощеши совершенъ быти, иди, продаждь имение твое и даждь нищим: и имети имаши сокровище на небеси: и гряди вслед мене.
22 Слышав же юноша слово, отиде скорбя: бе бо имея стяжания многа.
23 иисус же рече учеником своим: аминь глаголю вам, яко неудобь богатый внидет в царствие небесное:
24 паки же глаголю вам: удобее есть велбуду сквозе иглине уши проити, неже богату в царствие божие внити.
25 Слышавше же ученицы его, дивляхуся зело, глаголюще: кто убо может спасен быти?
26 Воззрев же иисус рече им: у человекъ сие невозможно есть, у бога же вся возможна.

Отправить ответ

Войти с помощью: 
avatar
500